Трансферот на Седлоски во Шефилд Венздеј – еден од најлошите во историјата на клубот!
Причината за тоа е потсетувањето на неговиот трансфер од Хајдук во Шефилд венздеј, како едно од најлошите во 157-годишната историја на овој клуб. Новинарите од Англија се сигурни дека во моментов дури и оние најверни навивачи на овој клуб, кој во моментов игра во втората по ранг Чемпионшип лига, не би се сетило дека Македонецот играл за нив кон крајот на 1997 и почетокот на 1998 година. Седлоски тогаш направи сензационален трансфер, кој на сплиќани веднаш им донесе 700.000 фунти и ветување за уште дополнителен милион фунти кога тој ќе го одигра стотиот меч за Шефилд.
Македонскиот репрезентативец дојде до бројката од четири одиграни средби, а англискиот медиум се шегува дека тој повеќе ја чекал дозволата за настап во Велика Британија отколку што поминало време помеѓу неговиот прв и последен меч за тогашниот премиерлигаш.
