Трамп воведува царини до 245% за Кина!
Царинската војна меѓу САД и Кина се заострува.
Белата куќа објави дека Кина би можела да се соочи со царина од дури 245 отсто за извозот во САД.
Ова е највисоката царинска стапка досега потпишана од американскиот претседател Доналд Трамп. Со таа извршна наредба се најави истрага за ризиците по националната безбедност на САД поради зависноста од увоз на преработени критични минерали и сродни производи.
Како одговор на прашањето за изјавата на Белата куќа во која се тврди дека Кина сега се соочува со царини до 245 отсто на американскиот увоз како резултат на нејзината одмазда, портпаролот на кинеското Министерство за надворешни работи, Лин Џијан, во средата изјави дека „конкретни бројки за даночната стапка треба да се побараат од американската страна“.
Лин на брифингот со новинарите во средата рече дека Кина постојано го изразувала својот сериозен став по однос на тарифното прашање, објави „Глобал Тајмс“.
„Тарифната војна беше иницирана од САД. Кина ги презеде неопходните контрамерки за да ги заштити своите легитимни права и интереси, како и меѓународната правичност и правда, што е сосема разумно и легално. Тарифните и трговските војни немаат победници. Кина не сака да ги води овие војни, но не се плаши од нив“, рече Лил.
