Трамп им се обрати на членовите на Конгресот: Еве кои теми ги опфати претседателот на САД во своето обраќање и каква беше пораката
Претседателот на САД Доналд Трамп, во својот говор пред Конгресот, најави воведување на нови царини, засилени мерки на имиграцијата, и повторно ги изрази своите амбиции во однос на Гренланд.
Трамп најави дека ова ќе биде „златна ера“ на САД.
„Америка се враќа“, го почна својот говор Трамп.
„Тоа е она што го прават нашите пријатели и непријатели. Тие ни воведуваат царини, ќе воведеме и ние. Ќе земеме милијарда долари и ќе создадеме работни места како што никогаш порано немало“, изјави Трамп.
Тој рече дека презел „брза и немилосрдна“ акција за да ја воведе „ најголемата и најуспешната ера во историјата на земјата “.
„ Постигнавме повеќе за 43 дена отколку што постигнаа повеќето администрации за четири или осум години, и штотуку почнуваме “, рече тој.
Трамп го нарече Бајден „најлошиот претседател во историјата на САД“, и во негово време имало стотици илјади нелегални преминувања месечно.
Трамп исто така изјави дека стави крај на еколошките ограничувања на Бајден, кои, според неговите зборови, ја направија земјата „многу понебезбедна и целосно недостапна“.
„Што е најважно, го завршивме лудилото на мандатот за електрични возила на претходната администрација, спасувајќи ги нашите работници и компании од економска пропаст “, рече тој.
Трамп изјави дека Зеленски му испратил писмо во кое вели дека е подготвен да преговара и да го потпише договорот за минерали.
