Трамп ги повика Американците да го вратат Бога во нивните животи
Американскиот претседател Доналд Трамп изјави дека неговите религиозни ставови се промениле по неколку неуспешни обиди за атентат против него. За време на Националниот молитвен појадок во Капитол, тој ги повика Американците да го вратат Бога во своите животи, објави Асошиетед прес, пренесе БТА.
„Навистина верувам дека не можете да бидете среќни без религија и без вера. Да ја вратиме религијата. Да го вратиме Бога во нашите животи“, рече Трамп.
На оние во собата им рекол дека она што го променило е неуспешниот обид за атентат минатата година во кој куршум му го прободел увото.
„Се чувствувам уште посилен. Верував во Бог и порано, но сега се чувствувам многу посилен поради тоа“, рече Трамп, шегувајќи се дека е благодарен што стресното искуство „не влијаело на неговата коса“.
Трамп и неговата администрација веќе се судрија со верските водачи. Бискупот Маријана Буде го налути претседателот само неколку часа откако тој ја презеде функцијата кога за време на проповедта го замоли да покаже сочувство за мигрантите и ЛГБТ заедницата.
