Адвокатот на семејството на Фросина Кулакова утре ќе изврши дополнителен увид во доказите
Членовите на семејството на Фросина Кулакова, која загина во сообраќајната несреќа на пешачки премин на булеварот „Партизански одреди“, биле запознати со тековната постапка и со прибраните докази против обвинетиот 20-годишен возач. Според најновите информации, семејството на жртвата, како оштетени и законски застапници, дале исказ и се информирале за доказите собрани во текот на истрагата. Во текот на утрешниот ден, нивниот адвокат ќе изврши дополнителен увид во доказите.
– Членови на семејството на жртвата во својство на оштетени и законски застапници дадоа исказ и се запознаа со постапката и со прибраните докази. Во текот на утрешниот ден нивниот бранител ќе изврши и дополнителен увид во доказите, потврдија за МИА од Јавното обвинителство.
Дваесет и двегодишната Фросина Кулакова на 29 јануари беше прегазена на пешачки прекин во Скопје. На 20-годишниот возач му е определен притвор од 30 дена. Тој се товари дека делото го сторил до умисла поминувајќи на црвено светло, без возачка дозвола и под дејство на алкохол. За него и претходно имало други кривични пријави.
