Трагедија во Кисела Вода: Градежни работници затрупани при ископ на темели
Страшна несреќа ја потресе скопската населба Кисела Вода утринава. Најмалку двајца градежни работници завршија под куп градежен материјал и земја додека работеле на ископ и подготовка на терен за нова станбена зграда, пишува Нетпрес.
Според првичните, неофицијални информации, состојбата на теренот е критична:
Настанот се случил на градилиште лоцирано зад кафулето „Фејс“, во непосредна близина на паркот „Македонија“.
На местото на несреќата во моментов е присутна голема полициска придружба, неколку возила на Итната медицинска помош и екипи на Противпожарната единица кои работат на расчистување на теренот.
Увидот е во тек, а повеќе информации за здравствената состојба на работниците и причините за свлекувањето на земјиштето се очекуваат во текот на денот.
