ТРАГЕДИЈА КАЈ ВРАЊЕ: Во сообраќајна несреќа загина 25 годишен Македонец, има и повредени
Во тешка сообраќајна несреќа која се случила во Врање, животот го загубил македонски државјанин, пренесува „Новости“.
Како што пишуваат медиумите во несреќата животот го загубл 25 годишен Скопјанец.
Од полицијата велат дека се уште не се познати околностите, но потврдено е дека истрагата е во тек.
Еден пациент е згрижен на Итна медицинска помош и во тек е дијагностика.
Иако се уште нема официјална потврда од Министерството за надворешни работи, сепак, како што пишуваат српските медиуми, автомобилот е од Македонија, и во него загинал млад Скопјанец.
Како што се истакнува, возилото излетало од патот и удрил во насипот.
Дел од патот е затворен, возилата се пренасочуваат на други патни правци.
Во автомобилот имало неколку лица, но само едно починало на лице место, потврдиле извори од истрагата.
Исто така, неофицијално се пишува дека лицата го згрешиле патот кон Македонија и се упатиле кон Златокоп, но потоа се сетиле дека го заборавиле мобилниот телефон во кафеаната во центарот на градот, каде што претходно престојувале и се вратиле назад, по што се случила несреќата.
Фото: Принтскрин/Твитер
