Традиционалниот предновогодишен концерт на Павле Камилоски првпат во Битола – со генерална поддршка од Астра Казино
Битола оваа година ќе блесне во вистинска празнична магија! На 26 декември, со почеток во 20:00 часот, во Центарот за Култура Битола ќе се одржи традиционалниот предновогодишен концерт на еден од најголемите џентлмени на македонската музичка сцена – Павле Камилоски. Настанот, кој низ годините е препознатлив по празничната енергија и исклучителната музичка атмосфера, за првпат се сели од Скопје во Битола, а негов генерален спонзор е Астра Казино.
Павле Камилоски, познат по својот препознатлив вокал, харизма и уникатна способност да ја спои класиката со современиот музички звук, веќе со децении е симбол за квалитет и искреност на сцената. Неговата кариера е приказна за посветеност, стил и љубов кон музиката – приказна која инспирира генерации млади уметници.
Овој специјален концерт во Битола претставува уште едно поглавје во успешната соработка помеѓу Павле и Астра, компанија која континуирано ја поддржува домашната културна сцена. Астра е генерален спонзор не само на овој настап, туку и на неговата нова песна „Малина“, како и на два големи концерти и новиот музички спот што Павле ги подготвува за следната година.
Со својата поддршка, Астра Казино ја продолжува мисијата на промовирање на македонската музика и култура, создавајќи можности за уште поамбициозни проекти и незаборавни моменти за публиката.
Битолчани и сите љубители на добрата музика ќе имаат можност да уживаат во вечер исполнета со емоции, најголемите хитови на Павле Камилоски и празничен дух.
