Тошковски со итна телеграма до полициските станици: Нула толеранција за семејно насилство, секој пријавен сторител оди на распит!
Министерот за внатрешни работи, Панче Тошковски, најави радикално затегнување на процедурите при пријави за семејно насилство. Преку итна телеграма, сите полициски службеници во државата добиваат јасни насоки за постапување: секој пријавен сторител мора веднаш да биде повикан на информативен разговор.
Поводот за оваа одлука е неодамнешната трагедија во населбата Карпош, каде мајка и дете го загубија животот само два часа по полициска интервенција за семејни проблеми.
„За секој случај каде што ќе имаме и најмал сомнеж, секој посочен сторител ќе биде повикан на разговор“, дециден е Тошковски.
Министерот најави и вонредна контрола за да се утврди дали имало пропусти во координацијата меѓу полицијата и Центарот за социјална работа во конкретниот случај.
