Топењето на глечерот откри долго чувана тајна: Пронајдено телото на алпинистот кој исчезна пред 37 години!
Телото на маж, кое е пронајдено на глечер недалеку од швајцарскиот врв Матерхорн поради топењето на мразот, припаѓа на германски алпинист кој исчезнал пред 37 години.
ДНК анализата потврди дека се работи за 38-годишен маж кој исчезнал во септември 1986 година.
Телото беше пронајдено на почетокот на овој месец од страна на планинари кои минуваа низ глечерот Теодул, над швајцарската општина Зермат, откако забележаа чевли за качување мраз со шилести рамки како излегуваат од мразот.
Почна опсежна операција за пребарување и спасување на алпинистот, но таа не вроди со плод кога исчезна пред 37 години. Полицијата не го прецизира неговиот идентитет, потврдувајќи само дека тој имал 38 години во моментот на исчезнувањето.
– ДНК анализата овозможи да се идентификува планинарот кој исчезна во 1986 година. Тој тогаш имал 38 години, а врз основа на неговото пријавено исчезнување е започната потрага – се вели во полициското соопштение.
Последици од глобалното затоплување
DNA tests have confirmed the remains found on Switzerland’s iconic Matterhorn mountain belonged to a German man who went missing 37 years ago https://t.co/av3xncy6dH
— Sky News (@SkyNews) July 28, 2023
Швајцарските климатолози и други експерти предупредуваат на забрзаното топење на глечерите, што делумно го припишуваат на климатските промени предизвикани од човекот.
Глечерот Теодул, како и другите глечери низ Алпите, видно се намалува во последните години. Теодул е дел од целогодишниот скијачки регион Зермат, најголемиот во Европа. До 80-тите години на минатиот век, Теодул сè уште бил поврзан со соседниот глечер Горнер, но сега тие се одвоени.
Скоро секое лето, мразот што се топи открива нешто или некој што исчезнал пред неколку децении. Минатата година од глечерот Алеч излегоа остатоците од авионот кој се урна во 1968 година, додека во 2015 година беа пронајдени телата на двајца млади јапонски алпинисти кои исчезнаа во снежна бура во 1970 година.
Минатата година глечерите во Швајцарија ја регистрираа својата најлоша стапка на топење од почетокот на евиденцијата пред повеќе од еден век. Имено, глечерите изгубиле 6 отсто од преостанатиот волумен, речиси двојно повеќе од претходниот рекорд од 2003 година.
