ДРАМАТИЧНО ПРЕДУПРЕДУВАЊЕ, СЕ СОЗДАВА СИРОМАШНА ЗОНА НА ИСТОКОТ НА ГЕРМАНИЈА: Ова е најпогодените покраини
На истокот на Германија ниските плати се почести отколку на
западот, покажуваат податоците на Заводот за статистика.
Најголем дел од работните места со најниска плата за час,
помалку од 14 евра бруто, има во источната покраина Мекленбург-Западна
Померанија, 30 проценти.
Следат останатите источни покраини Бранденбург,
Саксонија-Анхалт и Тирингија со по 28 отсто. Најмалку такви мали саатници има
во Хамбург, 18 отсто, и во Баден-Виртемберг и Берлин, со по 20 отсто.
Партијата на левицата, која побара податоци од Заводот за
статистика, претходно го објави процентот на вработени низ Германија кои
добиваат помалку од 14 евра на час. Малку повеќе од 23 отсто, или околу 9,3
милиони Германци, работат за минимална саатница.
Според новите податоци, сите пет покраини на исток имаат поголем процент на
ниски приходи од западните провинции и Берлин.
Комесарот на Левицата за исток Серен Пелман го повтори
барањето на неговата партија минималната плата во Германија да се зголеми на 14
евра.
„Речиси 30 отсто од источногерманците работат за помалку од
14 евра на час“, рече Пелман, пратеник во Бундестагот.
„Тоа е голем потенцијал за незадоволство, кој потоа се
празни во политиката. Никој не треба да биде изненаден од успесите на
(екстремната десница) Алтернатива за Германија, кога речиси една третина си
одат дома со минимум“, рече Пелман.
Пратеникот предупреди дека имајќи предвид дека платите
влијаат и на пензиите, на Германија и се заканува појава на „сиромашна зона на
исток“.
ФОТО: Unsplash/ Denny Hill
