Толку од Водно ако го отворат патот за коли до врв, алармираат граѓани по информацијата дека ќе има ресторан на врвот од Скопје

Новата кула на Водно, која неодамна беше осветлена, предвидува во иднина да има ресторан со ротирачка платформа што ќе се врти за 360 степени во рок од еден час, овозможувајќи панорамски поглед на Скопје.

Идејата, сепак, предизвика поделени реакции во јавноста. На социјалните мрежи веќе се појавија критики дека ваквиот проект би можел да создаде повеќе проблеми отколку придобивки. Инфлуенсерката Ина Многуфина саркастично коментира: „Кај нас тоа ќе се врти со часови, ќе се расипе и никогаш повеќе нема да проработи. Но, важно ресторан ќе има“.

Дел од реакциите се однесуваат и на можноста за отворање на Водно за автомобилски сообраќај, што, според граѓани, би го нарушило природното и рекреативното доживување на планината.

„Сигурно никој нема да оди на вечера со жичара, бидејќи таа има пократко работно време од ресторан. Тоа значи отворање пат за коли, свадби, веселби, пијани возачи и паркирање по тревниците… толку од уживањето на врвот“, додава Многуфина.

Дел од јавноста смета дека потребно е внимателно да се преиспита идната намена на кулата, со цел да се зачува природниот амбиент на Водно.