Tинекс со појаснување: Трговец не е во можност да продава производи доколку добавувачот не му ги дистрибуира

Откако министерот за економија, Крешник Бектеши вчера соопшти дека повеќе трговци ќе бидат санкционирани поради непочитување на одлуката за замрзнати цени, од Тинекс маркети се јавија со појаснување. 

Велат дека до маркетите немало количини или немало воопшто од овошјето и зеленчукот кои се опфатени со мерките на Владата. 

„И покрај сите сторени напори, направени нарачки, и остварени контакти со добавувачи, ТИНЕКС – МТ не успеа да ги обезбеди потребните количини на овошје и зеленчук пропишани со одлуката на Владата, од причина што истите не се достапни на пазарот по цени по кои е наложено да се набавуваат и продаваат“, се вели во реакцијата. 

Велат дека не се во можност да продаваат производи доколку добавувачот не ги дистрибуира.