Самит Македонија 2025: Дали соработката меѓу старап компаниите и корпорациите води до поголем развој?

Важноста на стартап
компаниите, но и на веќе развиените големи компании, значењето на туторите и
менторите во развојот на компаниите беа меѓу темите начнати на панел
дискусијата „Стартапи против лидери во индустријата – Разговор за иновации и
раст“.

Панелистите укажаа на маните
во регионот, но и свои предлози за надминување на пречките.

За Јована Туферџиќ – Менаџер
за комуникации „Visa SEE“ еден проблематичен сегмент
е што нема многу жени иноватори и претприемачи иако потенцијалот пости.

–  Во короната видовме забрзување на промените, и треба да
се поддржат жените лидерки, од кои веќе видовме овде дел, но потребна е
поголема поддршка за нивно вклучување. Има некои факти кои за жал се
разочарувачки, но се вистините. Имено, дури 70 проценти од старт апите се
основани од мажи, а 30 проценти од малите бизниси се предводени од жени во кои
има еден вработен, или самиот основач. Заради овие факти предлагам поддршка на
жените претприемачки, на жените кои сакаат да направат промена – посочи Туферџиќ.

Од дурга страна Висар
Рамајли, косопственик и менаџер на „KIVO“ укажа дека фактите говорат
дека искуството е кај корпорациите, и тие некогаше биле лидери, иноватори, но и
се уште се. Според него потребна е поврзаност меѓу стартапите и корпорациите за
да се поттикне иновативноста.

–  Добро е да има што да се порава инаку ќе нема што да се
иновира. Сите во овој регион, живееме во ситуација дека нешто треба да се
направи. За оние со претприемачки дух, ова може да се смета за можност, но
многу е тешко работите да се поправат или средат, да се издржи во овој процес
на поправање. Тука се вклучени стартапите, тие имаат повеќе болки од оние во
развиентие земји, и ги поддржувам да најдат сила да се борат за промени во
земјите. Тешко е да се направи разликата меѓу ментор или тренер, но пристапот
до нив е значаен за да се олесни стартапот – посочи Рамајли. .

Домашниот преставник, Никола
Велковски – косопственик на „Howitzer“ пак
посочи дека корпорациите почнале како старапт, имале идеи, направиле промена на
пазарот, но како тимот расте, се фокусираат на други цели, не на иновации, на
раст, бидејќи веќе се пораснати.

–  Македонија многу заостанува во старап компании, што
веројатно се должи на менталитетот. Ние во оваа средина сме зрели за инженери,
но не и за старпати од маркетингот… Македонија често се користи како евтина
работна рака за аутсорсинг. Пред година ипол, кога ја добивме инвестицијата, но
луѓе во 2021 година не знае за работни места кои постоа на пазар на труд. Во
западните земји не се запознаени со вакви места. Ние сме оние кои треба да го создадеме
системот – потенцираше Велковски.

За Џорџе Димитријевиќ –
основач на „SignAvatar“ стартап компаниите имаат
можности за брзи реакции, бидејќи се мали, имат можности за брзи решенија. Сепак,
истакна дека потребно е стартапите да работат со големите компании.

–  Сметам дека треба да се споделува искуството. Еко
системот во Србија во последните години многу порасна, но нема многу прилики. Некои
компании даваат поддршка на старапите, но не сите. Потребна ни е промена –
истакна Димитријевиќ.