ТЕТОВСКИ „ТЕТЕКС“ НАЈАВИ ДЕКА ЌЕ ДЕЛИ ДИВИДЕНДА, ЕВЕ КОЛКУ ЌЕ ДОБИЈАТ АКЦИОНЕРИТЕ – одлуката ќе се потврди на акционерско Собрание во април

Април ќе биде месец на акционерски собранија на домашните компании кои котираат на Македонската берза. На крајот на тој месец, конкретно на 23, Собрание ќе одржи и тетовскиот комбинат Тетекс, а една од одлуките што ќе се разгледува и која ќе треба да ја аминуваат акционерите, е и онаа за распределба на ланската добивка. 

А, согласно Годишната сметка за 2024 година на Тетекс АД Тетово,  добивката по  одданочување изнесува 1,13 милиони евра. 

Според предлогот кој го дава компанијата за распределба на добивката, нивниот план е износ од 56 илјади евра да се внесе во законските резерви на
Друштвото.

Веста која што е најбитна за акционерите е дали и колкава дивиденда планира да подели комбинатот, а тоа се 351 илјади евра, кои ќе се исплатат во вид на
дивиденда на имателите на акции. 

И, како нераспоредена
добивка ќе останат 719 илјади евра.

Според процентот на акции, Иванка Гоговска која поседува 6,92 отсто од капиталот, би зела како дивиденда нешто над 24 илјади евра, а слични, нешто помали суми би инкасирале и Лоди Гоговска, која поседува 6,89 отсто и Бобан Гоговски, кој располага со 6,67 отсто од акциите.

А, одредена сума ќе добијат и околу 900 мали акционери физички лица, кои се главно поранешни вработени на некогашниот комбинат и кои заедно имаат околу 60 отсто од сопственоста, што значи би добиле заедно сума од околу 210 илјади евра.

Но, акционерите ќе треба да гласаат и за тоа од добивката да бидат исплатени пари и на извршните директори на друштвото, согласно со нивните договори што ги имаат. 

„Се одобрува учество во добивката за 2024 година на Извршните директори на Друштвото, во износ уреден со член 6 од нивните Договори за уредување на
односите меѓу Друштвото и извршните директори и одредбите на Законот за трговски друштва. Одобреното учество во годишната добивка на друштвото се пресметува на делот од годишната добивка што останува по
намалувањето на остварената добивка за износите што се издвојуваат за законски
и за статутарни резерви“, се вели во предлогот за акционерското Собрание.

Според дивидендниот календар кој го предлага компанијата, дивидендата ќе изнесува 351 илјади евра, а висината
на дивидендата бруто по акција ќе изнесува 1,795 отсто од номиналната вредност,
односно 55,56 денари бруто по акција. Последен
ден на тргување со право на дивиденда е 09.05.2025 година, а прв
ден на тргување без  право на
дивиденда е 12.05, додека датум на стекнување на право на дивиденда е 13.05 оваа година. Исплатата
на дивидендата ќе биде во законски рок. Известувањето
на акционерите кои имаат право на 
дивиденда за исплата на дивиденда ќе се изврши на веб страна на
Тетекс АД Тетово, преку сеи –нет  на
Македоска берза АД Скопје и со писмено известување до секој акционер“, се вели во предлогот за кој ќе гласаат акционерите. 

Н.Н.Ф.