Тешки загуби, Израелците се повлекуваат од северниот дел на Газа
Израелската армија синоќа се повлече од областите до кои стигна во Појасот Газа поради жестоки борби со палестинските борци, јавува Anadolu Agency.
Според извештаите, десетици израелски војници биле убиени или повредени за време на судирот.
Повлекувањето доаѓа откако Израел напредуваше во појасот Газа од неколку правци во последните денови.
Израелските воени авиони, артилерија и воени бродови ги интензивираа нападите врз градот Газа и северниот дел на Газа, јавува Anadolu.
Од друга страна, вооруженото крило на Хамас, бригадите Ал-Касам, соопшти дека со ракетни фрлачи ги нападнало израелските војници, воени возила и тенкови, особено во северниот дел на градот Газа.
