Тешка сообраќајка на патот Охрид-Кичево: Еден загинат – повеќе повредени
Едно лице го загуби животот, а повеќе се повредени во сообраќајна несреќа која попладнево се случи на патот Охрид-Кичево после Ново Село.
Според првичните информации во несреќата учествувале три возила.
Портпаролот на СВР Охрид, Стефан Димовски потврдува дека имаат пријава за сообраќајна несреќа, но повеќе информации во овој момент не може да соопшти.
-Случена е сообраќајна несреќа, увидот се уште трае. Повеќе информации за сообраќајната несреќа во текот на утрешнот ден, вели Димовски.
