ТЕРОРИСТ УАПСЕН ВО ГЕРМАНИЈА Крај на драмата на железничка станица: Властите го бараа 25 ГОДИНИ!
Едно лице е уапсено по драмата на железничката станица во градот Вупертал, Германија.
Според извештаите, станува збор за Ернст-Волкер Стауб (69), поранешен член на фракцијата на Црвената армија, попозната како групата Бадер-Мајнхоф. Властите го бараа 25 години.
Билд пишува дека возот требало да тргне во 14 часот и 58 минути, но бил запрен поради сомневање дека во него има вооружен маж и дека во еден од возовите имало и експлозив. Во исто време беше затворена и железничката траса меѓу областа Рур и Келн.
Полицијата го опколила возот, а потоа влегле неколку полицајци и го уапсиле осомничениот.
– Тоа лице успеавме да го уапсиме без отпор. Проверуваме дали уапсениот се бара низ државата. Во акцијата нема повредени – изјави портпаролот на полицијата.
