Телото на папата Франциск привремено балсамирано поради високите температури во Рим
Пред да биде изложено во базиликата „Свети Петар“, каде што верниците ќе можат да му оддадат почит, телото на папата Франциск било привремено балсамирано за да ги издржи високите температури во Рим, соопштија експерти.
„Телото на Францис беше подложено на процес на привремено балсамирање познат како танатопраксија“, рече Андреа Фантоци, основач на италијанскиот Национален институт за танатопраксија (ИНИТ).
Тој појасни дека тоа вклучува вбризгување на презервативни течности низ циркулаторниот систем и естетска нега на лицето и рацете, додавајќи дека целта е да се забави процесот на природно распаѓање.
„Таквата процедура со хемиска течност мора да се изврши во рок од 36 часа по смртта. Нејзиното влијание на поприроден изглед на покојникот обично трае до 10 дена“, рече Фантоци.
Ватикан во вторникот ги објави првите фотографии на Папата во отворен ковчег, облечен во црвена наметка, со митра на главата и бројаница во раката.
Телото на 88-годишниот поглавар на Католичката црква, кој почина на Велигден, ќе биде изложено три дена во базиликата, од среда до погребот во сабота.
