Просечната плата во февруари достигна 43.053 денари
Најновите податоци од Државниот завод за статистика (ДЗС) покажуваат дека просечната месечна исплатена нето-плата по вработен во февруари годинава достигнува 43.053 денари.
Во споредба со февруари претходната година, месечната нето-плата по вработен бележи пораст од 9,6 проценти.
Од ДЗС објаснуваат дека ова покачување првенствено се должи на зголемувањето на просечната месечна исплатена нето-плата по вработен во неколку клучни сектори. Тоа се: Дејности во врска со недвижен имот со 16,6 проценти, Преработувачка индустрија со 11,5 проценти и Образование со 11,4 проценти.
Во февруари годинава, просечната месечна исплатена бруто-плата изнесува 64 634 денари.
