Светска банка објави што ја очекува Македонија во следните три години
Според Светска банка, БДП годинава ќе порасне за 2,4 отсто, а стапката на инфлација ќе биде 9,3 проценти.
Растот за следната година се очекува да биде 2,7 отсто, а во 2025 од 2,9 проценти. Ова е прогнозата на Светска банка во пролетниот Економски извештај за регионот на Европа и Централна Азија. Стапката на инфлацијата, годинава ќе изнесува 9,3 отсто, во 2024 ќе се намали на 3 проценти, а во 2025 година ќе падне на 2 проценти. Светска банка во делот од извештајот за Македонија наведува дека и покрај брзото закрепнување по ковид-пандемијата, енергетската криза го намали растот и ја подигна инфлацијата на највисоко ниво во последните две децении, оптоварувајќи ги јавните финансии во услови на пораст на трошоците за задолжување. Инфлацијата се забрза и го достигна врвот од близу 20 проценти кон крајот на 2022 година. Проблеми со инфлацијата имаат и многу развиени земји, но полека таа се стабилизира.
foto freepik.com
