„Сулејман Величествениот“ осуден за соборување на турската власт

Турските власти го осудија актерот Халит Ергенч на речиси две години затвор за давање лажно сведочење и поткопување на турската влада.

Популарниот турски актер, најпознат по улогите во сериите „1.001 ноќ“ и „Сулејман Величествениот“, беше осуден на затворска казна од една година и десет месеци. Како што објави „Хиспанатолија“, Ергенч е обвинет за давање лажно сведочење за време на истрагата за инцидентите за време на антивладините протести во паркот Гези во Истанбул пред 12 години.

Турските обвинители беа заинтересирани за неговата поврзаност со една од клучните фигури во случајот – актерот и активист Мехмет Али Алабар. Како сведок во случајот, Ергенч тврдеше дека не бил близок со Алабор, но повиците и фотографиите направени за време на протестот кажуваат поинаку.

55-годишниот актер ги негираше обвинувањата за лажно сведочење, додавајќи дека само одговарал на прашања. Во исто време, тој мораше да ја објасни својата поврзаност со други лица вклучени во случајот, вклучувајќи ја и менаџерката Ајше Барим, приведена за заговор за соборување на турската влада, и тврдеше дека неговиот однос бил површен.

Покрај него, судот го осуди и неговиот колега Риза Коџаоглу, познат по улогата во серијата „Чесни луѓе“. Судот првично го осуди Ергенч на две години и три месеци, но поради неговото однесување на суд и соработката со истражителите, неговата казна беше намалена на 22 месеци, кои ќе ги отслужи доколку стори кривично дело.

Актерската ѕвезда најави дека ќе поднесе жалба на пресудата.