Студентски отпор утре на протест: Загубата на Фросина е резултат на системски недостатоци!
Студентски отпор изразува длабоко сочувство до семејството на нивната колешка Фросина Кулакова. Оваа загуба е резултат на системски недостатоци кои ја загрозуваат безбедноста на сите нас.
„Долгогодишната неказнивост, институционалната негрижа и структурното насилство не само што ни ги одземаат можностите во образованието, туку резултираат и со трагедии што не можат да се преболат. Оваа неправда нема да остане без одговор!
Ги повикуваме сите студенти утре во 13:00 часот пред Силбо. Затоа што вака се чувствуваме небезбедни. За нашата колешка Фросина. За сите нас“, велат од Студентски отпор во соопштение.
