Студентите на мирен протест пред Влада, се бара подобрување на условите на студирање
Факултетот за информатички науки и компјутерско инженерство при универзитетот „Св. Кирил и Методиј“, со одлука од деканатската управа денеска организира мирен протест пред Владата.
Најавите велат дека на отворено ќе се одржи и седница на наставно-научниот совет на факултетот. Студентите бараат власта да ги подобри условите за студирање на студентите.
Поддршка на протестот даде и Неформалната организација Студентска револуција, која ги повика на поддршка и студентите, професорите, како и вработените на УКИМ.
Наставата на факултетот се одржува во 8 различни објекти. Изградбата на новиот објект долго време е стопирана, не се презема ништо за нејзино повторно активирање.
