СТРОГИ ЗАКОНИ ЗА НЕВРАБОТЕНИТЕ ВО АВСТРИЈА: Нема одмор во странство на сметка на државата

Невработените во
Австрија, кои се пријавени во Државната служба за вработување, доколку сакаат
да одат на одмор во странство, не може да ги користат бенефитите на државата.

– Дозволено е да отпатуваат надвор од Австија, но за тоа
време мора да се одјават од АМС. Законот за осигурување во случај на
невработеност предвидува дека мора да останат во земјава, а бидејќи немаме
море, може да се оди во Нежидерско језеро, но не и на море. Секако, може да се
аплицира и годишно, но за тоа време не можете да добивате надоместок за
невработеност – објасни првиот човек на АМС, Јоханес Копф, во интервју за локалниот
дневен весник „Хејте“.

Ова практично
значи дека нема одмор во странство на сметка на државата.

Според Хеуте, до крајот на јуни годинава во Австрија како
невработени во АМС биле пријавени 307.732 лица. Од нив, 239.301 биле
невработени, а 68.431 биле на дообразување. Она што неодамна се промени, а не
им одговара на многу невработени, е одлуката АМС да може да испрати лице во
друга австриска покраина на работа, доколку се бара работен профил, кој го има лицето кое се пријавило. Австрија
има девет сојузни држави, од кои некои се оддалечени повеќе од 500 километри
една од друга.

Како што истакна Копф, ова важи само за луѓе кои немаат за
кого да се грижат.

– Тоа значи дека немаат деца или роднини за кои треба да се
грижат – објасни првиот човек на АМС. Тој истакна дека за оние кои треба да се
преселат во друга провинција за работа, треба да добијат одреден простор за
домување.

ФОТО: Unsplash/Anna Hunko