Страшни сцени од невремето: Плимниот бран предизвика проблеми на Јадранот, потопени куќи, бурата Сиаран однесе животи низ Европа
Јужното невреме и плимниот бран предизвикаа големи проблеми на Јадранот. Бурата Сиаран однесе 14 животи во Европа.
Во Мандре на островот Паг, брановите и силните ветрови искршија неколку чамци. Плимниот бран го потопи првиот ред на куќи во Сукошан. Во Опатија е уништено популарното шеталиште Лунгомаре.
Првиот бран на вода кој од Словенија стигна до копното не предизвика некои поголеми проблеми. Но, тој сè уште не може да здивне. ДХМЗ издаде предупредување за недела. За крајбрежјето е објавено портокалово предупредување, односно опасно време, а на копното е на сила жолто метео.
„Во следните 24 часа се очекува дополнително опаѓање на водостојот на реката Сава, речиси за два метра. За жал, новата врнежлива епизода која доаѓа денеска и утре ќе ги зафати сливовите Сава и Купа во Словенија, па ќе има биде ново издигнување на реката Сава во текот на недела до понеделник“, објаснува за ТВ Дневник Нова Томислав Новосел од Главниот центар за одбрана од поплави.
Страшна бура ја погоди и Западна Европа, каде оваа недела однесе 14 животи. Централниот италијански регион Тоскана има најмногу жртви. Рекордните врнежи предизвикаа големи поплави.
Бурата Сиаран во текот на ноќта ги зароби жителите во нивните домови, ги поплави болниците и преврте автомобили. Стотици илјади луѓе во Франција се уште се без струја. Вечерва и во текот на ноќта се очекува влошување на времето, па се врши превентивна евакуација.
