СТРАНСКИТЕ ИНВЕСТИЦИИ ПОД ЛУПА: Министерството за економија на Германија ја засилува контролата
Германскиот министер за економија Роберт Хабек сака да го заостри процесот на контрола на странските инвестиции со усвојување на нов закон чија цел е подобрување на економската безбедност, се вели во документ на министерството, објавува Ројтерс.
Документот укажува дека во последните години контролата на инвестициите доби огромно значење во Германија, Европа и на меѓународно ниво.
Како дел од законот што се разгледува, министерството се обидува да воведе безбедносни проверки за новите фабрики во Германија кои би ги граделе странски компании.
Владата во Берлин ги повикува германските компании да ја намалат зависноста од Кина и испитува дали нејзиниот сегашен пакет регулативи е доволен за да го охрабри.
Западните земји се обидуваат да ја намалат стратешката зависност од Кина поради загриженоста за зголемената кинеска експанзивност во Индо-пацифичкиот регион и можните пошироки нарушувања на синџирот на снабдување.
Германија има силни деловни врски со Кина, а Берлин на крајот и одобри на кинеската компанија Коско да купи удел во карго терминал во Хамбург, најголемото германско пристаниште.
