СТАНОВИ И КУЌИ СО МИЛИОНСКИ ЦЕНИ: Дури и за купување на гаража во Белград ви требаат многу пари

Вистинско богатство треба да дадете за имот во Белград. Цените во српската престолнина се прескапи. 

Најскапиот гаражен простор во земјата, во првите три месеци од годинава, е продаден во белградската општина Врачар, по цена од 73.000 евра, објави Републичкиот завод за геодетика, пишува порталот Мондо.

Најскапиот квадратен метар деловен простор е продаден во општината Врачар за 11.500 евра, со површина од 20 метри квадратни. Највисока договорена цена на деловен простор од 3.098.790 евра, со површина од 332 метри квадратни, е реализирана во белградската општина Савски венац.

Најскапата куќа е продадена во општина Савски венац – за 3.182.000 евра.

Станот за кој биле издвоени најмногу пари во овој период се наоѓа во нова зграда во населбата Београд на вода – чинел 1.226.888 евра и е со површина од 188 метри квадратни. На таа локација е продаден најскапиот стан во првиот квартал од 2024 година, по цена од 10.350 евра за метар квадратен.