СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба

Голем недвижен имот
изграден во селото Косел, Охрид вреден над 600 илјади евра се нуди на продажба
преку наша комерцијална банка.

Станува збор за
повеќе објекти, од кои за дел има документи, поточно имотен лист, но за дел од
изградените објекти кои се нудат на продажба нема целосна документацијата. Имотот
кој опфаќа повеќе објекти, го продава НЛБ Банка, и како што може да се види на
нивната веб страна, за објектите кои се со имотен документ се бараат точно 575.777
евра.

– Во извршна
постапка се продава недвижниот имот лоциран во село Косел-Охрид. Во непосредна
близина има индустриски објекти и семејни куќи – се наведува во објавата.

Како што е
посочено согласно имотен лист број 954, КО Косел на продажба се објектите 11 и
12, но и помошни објекти. Во описот е посочено дека објект 11 се канцеларии со површина
од 236 метри квадратни, придружено се уште еден објект од 7 метри квадратни,
како и уште една чувара 12, на прв кат со површина од 15 метри квадратни.

Во овој пакет на
објекти, НЛБ Банка нуди уште еден објект со имотен лист број 1142, објект број
35 во истата опшина, со намена акционески друштава. Притоа во овој дел има еден
објект, станува збор за пријавница со површина од 16 метри квадратни наменети
за акционерско друштво. 

Со имотен лист
1121 се нудат објекти 9 и 10 исто така објекти наменети за акционерско друштво,
и тоа канцеларии со површина од 272 метри квадратни, но и објект на прв кат, од
131 метар квадратен.

Потоа канцеларии
од зграда 10 со површина од 322 метри квадратни, како и стан со површина од 271
метри квадратни. Во рамки на овој објект 10 има уште еден стан со површина од
134 метри квадратни.

– 
Моментална
продажна вредност на објект 11 изнесува 110.259 евра. Продажна вредност на
објект 12 изнесува 8.835 евра. Ппродажна вредност на објект 35 изнесува 6.503
евра. Моментална продажна вредност на објект 10 изнесува 285.060 евра. Продажна
вредност на објект 9 изнесува 165.120 евра. Вкупна моментална продажна
вредност изнесува 575.777 евра – се наведува во огласот поставен на веб страната
на НЛБ Банка.

Во овој пакет НЛБ нуди и други објекти за кои не
се комплетирани документите за имотен лист. Согласно објавата има шест различни
објекти, чија квадратура варира од 5 до 24 метри квадратни. Нивната заедничка
вредност е проценета на 16.176 евра.

Во понудата на оваа, но и други банки од земајва може
да се најдат куќи, станови, земјиште, повеќе типови деловен простор со различна големина,
но и различни типови на производни капацитети.

Прегледот
на понудата на банките покажува дека има голем избор на
станбени објекти кои се нудат на продажба, но меѓу нив има и недовршени
обејкти. Забележливо е што
дел од банките имаат куќи кои се со голема квадратува и истите се подолг период
на продажба.

Банките се
одлучуваат да стават имоти на продажба само како крајно решение. Најчесто тоа е
резултат на неможноста на сопствениците навреме да ги вратат земените кредити
во банката, кои потоа се одземени поради ненаплатени кредити и сега се нудат на
продажба.

За
оние кои сакаат да купат имот или деловен објект по пониска цена, ќе мора да се
потрудат во пребарувањето. Секоја банка на својата веб страна има список или
листа од недвижнини кои ги продава.

П.О.