Стјуардеса доби отказ поради тверкање во авион: „Не знаев дека е непримерно“
Нел Диала работела како стјуардеса за „Алјаска ерлејнс“, но нешто повеќе од шест месеци откако ја започнала работата од соништата, добила отказ.
Таа тврди дека компанијата ја отпуштила поради видео што го споделила на „Тик-ток“, на коешто тверкала во авион.
Диала оттогаш започна „Гоу фаунд ми“ кампања за покривање на животните трошоци поради ненадејното губење на приходот.
Сега, откако се намали прашината, таа зборуваше за „Инсајд едишн“ за нејзините размислувања за ова прашање.
„Не мислев дека тоа што е среќно ќе се претвори во вакво нешто. Само рекоа дека ја прекршив нивната политика на социјалните мрежи. Навистина бев горда на себе што стигнав до тука. Не мислев дека моето видео и објава и начинот на кој танцувам ќе се сметаат за несоодветни”, рекла таа.
„Имав толку горд изглед на лицето секој пат кога се качував во тој авион и ме отпуштија без да ми дадат шанса. Тоа е едноставно неправедно“, додаде таа.
За потсетување, на видеото, кое поранешната стјуардеса оттогаш го избриша, се гледаше како Диала стои во ходникот на авионот, ја крева ногата на седиштето и тверка.
„Видеото стана вирално преку ноќ, но наместо љубов и поддршка, предизвика неочекувана осуда. Иако беше лоша одлука од моја страна, не мислев дека ќе ме чини работата од соништата“, објаснила Диала.
И покрај нејзините објаснувања дека снимката немала намера да и наштети на компанијата, тие наводно „не сакале да слушаат“.
Според нејзините тврдења, станува збор за „безопасно видео“ што го споделила на нејзиниот личен профил на социјалните мрежи.
„Ме отпуштија без предупредување. Не ми дадоа можност за сослушување или одбрана – ниту шанса за темелна и правична истрага“, изјави претходно Диала.
Таа тврди дека дури и не го спомнала името на авиокомпанијата во видеото и дека секогаш е внимателна за тоа што споделува, опишувајќи го губењето на работата како погубно.
