СРПСКАТА КОМЕРЦИЈАЛНА БАНКА ВЕЌЕ НЕ РАБОТИ НА КОСОВО: Заради еврото кое ќе се воведува на Косово како единствена валута

Комерцијална
банка повеќе не работи на Косово. Во Грачаница, експозитурата е затворена, а
ознаката и банкоматите кои беа поставени во близина на експозитурата и во
дворот на Домот на културата се отстранети, пишува Коссев.

Соопштението за
затворање на оваа банка стигна до корисниците на услугите и до вработените кон
крајот на минатата година, па граѓаните кои имале сметки во банката преку СМС
биле информирани за нејзиното затворање.

Вработените во
јавните институции во српските области во Косово, кои земаат плати од буџетот
на Република Србија, во меѓувреме мораа да отворат нови сметки во Поштенската
штедилница.

Во Косово досега
работеа осум експозитури на Комерцијална банка.

Инаку, таблата
беше отстранета од експозитурата на оваа банка во Косовска Митровица минатата
недела, а нивните уреди за електронско плаќање беа повлечени.

Банката
официјално затвора ден пред објавувањето на имплементацијата на Регулативата на
Централната банка на Косово, која го регулира еврото како единствена валута во
Косово.

Меѓународната
заедница, поради влијанието врз српската заедница која користи и прима средства
во динари од Србија, очекува тоа да биде суспендирано. Од Приштина и натаму се
категорични дека за оваа Регулатива нема ни да се преговара.