Србите, сепак, не го даваат Пикси – новиот договор пред почетокот на Европското првенство
Тоа значи дека ќе го води националниот тим до Мундијалот во 2026 година и на него ако успее да избори пласман, а договорот треба да биде потпишан на стартот од подготовките за континенталниот шампионат кој се игра од 14 јуни до 14 јули во Германија. Неодамна имаше информации дека во ФСС не се задоволни од Пикси и дека не планираат продолжување на соработката, но очигледно дошло до промена во расположението што предизвика и нов став кај челниците на Сојузот.
Пикси е селектор на Србија од 2021 година и е прв предводник на националниот тим кој успеал да ја однесе репрезентацијата на две големи натпреварувања по ред. На Светското првенство во Катар не се прослави и Србија беше елиминирана во групната фаза, а на Европскиот шампионат е во група со Словенија, Англија и Данска.
