СРБИЈА ИМА РЕКОРДНИ ПРИХОДИ ОД ТУРИЗМОТ: Koлку трошат странците на дневна основа?
Странските туристи во Србија трошат меѓу 80 и 100 евра дневно.
Иако Србија минатата година забележа рекордни приходи од туризмот, судејќи според податоците од првите осум месеци, годинава може да биде уште подобра. Од јануари до септември во касата од туризмот се слеале речиси две милијарди евра или 13 отсто повеќе во однос на истиот период од претходната година. Приходите од туризмот во првите осум месеци изнесувале 1,9 милијарди евра, а на растот на девизниот прилив влијаел континуираниот раст на пристигнувањето и бројот на ноќевања на странски туристи, кои Србија ја препознаваат како атрактивна дестинација, изјави за РТС директорката на Туристичката организација на Србија, Марија Лабовиќ, пренесува Каматица.
Годинава се остварени над девет милиони ноќевања – повеќе во приватно сместување отколку во хотели.
foto freepik.com
