Спремни за нов победнички старт: Македонија се загреа за првата битка во новиот циклус (ФОТО)

22/03/2023 3 min read

Македонската фудбалска репрезентација го одржува последниот тренинг пред утрешниот почеток на новиот циклус, евроквалификациите за ЕП 2024 во Германија, па аутсајдерот во групата Малта е прва битка од осумте во „групата на смртта“ до ноември годинава.

После слабиот циклус во Лигата на нации надополнет со слабите два теста во ноември, Македонија посакува победнички старт за да фати залет за главните пресметки со многу подобрите и пореномирани селекции во групата од великаните Италија и Англија до Украина.

Милевски не смета само на Доријан Бабунски поради повреда, но после една година повторно го има Аријан Адеми во средниот ред, без кого очигледно овој национален тим не може.