![Според анализата на ФФМ: Прволигашките судии второ коло по ред се – безгрешни!](https://novina.mk/wp-content/uploads/2024/03/222472-spored-analizata-na-ffm-prvoligashkite-sudii-vtoro-kolo-po-red-se-bezgreshni-850x560.webp)
Според анализата на ФФМ: Прволигашките судии второ коло по ред се – безгрешни!
Дополнителен адут за ваквото тврдење е фактот што од шест одиграни средби спорни ситуации биле видени само на една од нив и тоа помеѓу Македонија Ѓорче Петров и Тиквеш (1-0). Главниот судија на овој меч, Крумислав Ѓорѓиев, правилно донел одлука во две пенал-ситуации и тоа откако во една досудил, а во втората не досудил удар од белата точка за домаќинот. Според комисијата, тој во 35. минута правилно проценил дека имало пенал за скопјани, додека во 53. минута правилно видел дека немало казнен удар за домаќинот.
На сите останати пет средби немало буквално ниту една сомнителна одлука на делителите на правдата. Гордоста на луѓето во ФФМ од своите судии сигурно е уште поголема бидејќи тие биле безгрешни и во Втората лига, каде што е пронајдена само една спорна ситуација во која главниот арбитер постапил правилно.
Целата анализа за средбите од ПМФЛ и ВМФЛ може да ја прочитате ТУКА.