Сосед прогласи крај на ковид пандемијата
Министерството за здравство на Србија издаде наредба со која се прогласи крај на епидемијата на заразната болест Ковид-19 (СОВИД-19). Како што е објавено во новиот Службен весник објавен на 14 февруари, оваа наредба влегува во сила со денот на објавувањето во тој документ.
„Се прогласува крај на епидемијата на заразната болест СОВИД-19, епидемија од големо епидемиолошко значење за територијата на Република Србија“, се вели во објавената наредба потпишана од министерот за здравство Златибор Лончар на 7 февруари, пренесува Танјуг.
Во Србија првиот случај на коронавирус беше потврден на 6 март 2020 година во Бачка Топола, а на 15 март 2020 година на предлог на претседателот Александар Вучиќ беше прогласена вонредна состојба во целата земја. Народното собрание на Република Србија ја укина вонредната состојба на 6 мај 2020 година.
