Следува стабилно и топло време, температурите повторно ќе надминат 35 степени

Во наредните две недели времето во земјава ќе биде претежно сончево со повремена облачност, а температурите постепено ќе растат и повторно ќе достигнат високи вредности.

Според прогнозата, од почетокот на неделата минималните температури ќе се движат меѓу 16 и 20 степени, додека дневните ќе се искачуваат над 30 степени. Најтопол период се очекува кон крајот на август, кога термометарот на повеќе места ќе покаже од 36 до 38 степени.

Краткотрајна нестабилност со дожд и облаци е најавена околу 27 август, но без значителни освежувања. Потоа повторно ќе преовладува сончево време со високи температури.

Метеоролозите предупредуваат граѓаните да бидат внимателни во најтоплиот дел од денот, да пијат повеќе течности и да избегнуваат директна изложеност на сонце, особено во деновите кога се најавуваат екстремни жештини.