Следува нов топлотен бран: Температури до 41°C

Македонија го продолжува август во знакот на летна стабилност и високи температури. Според прогнозите, во наредните 14 дена се очекува сончево и топло време, со умерени температури до средината на месецот, а потоа – нов топлотен бран со екстремни 41°C.

☀️ 08–14 август: топло, но подносливо
Од петок (8 август) до четврток (14 август), дневните температури ќе се движат од 34°C до 38°C, со посвежи утра од 18°C до 23°C. Иако температурите се високи, не се исклучително опасни. На 13 и 14 август се очекува мало намалување до 34–35°C.

🔥 15–21 август: нова жештина со температури до 41°C
На 15 август (петок) се најавува нагло зголемување на жештината – температурите ќе достигнат до 41°C, што ќе биде почеток на нов, засилен топлотен бран.
И наредните денови, до 21 август (четврток), ќе бидат исклучително топли, со дневни температури кои ќе се движат од 37°C до 41°C и утрински температури над 20°C.

🌡️ Совет за граѓаните: Заштитете се од сонце, особено во периодот од 11 до 17 часот. Внимавајте на децата, постарите лица и хронично болните. Освежување во наредните денови не се очекува.