ВИДЕО Пожарникари во Битола спасуваа дете кое се качило на дрво

Попладнево, во битолскиот Градски парк, пожарникарите интервентираа за спасување на дете кое се искачило високо на дрво и не можело самостојно да се симне.

Настанот предизвика големо внимание кај граѓаните, од кои дел ја следеа акцијата во живо.

Според очевидци, детето се искачило на едно од повисоките дрвја во централниот дел од паркот, по што останало заглавено на поголема висина.

Веднаш била повикана противпожарната единица, чии припадници со помош на соодветна опрема успешно го извлекле детето, без повреди.

Интервенцијата траеше околу половина час, а заврши успешно на задоволство на присутните, кои не го криеја олеснувањето по безбедното симнување на детето.