Следете ја во живо вонредната итна седница на Советот за безбедност на ОН поради масакрот во Газа

Советот за безбедност на ОН ќе одржи вонредна седница, покажа ажурираниот распоред и поради масакрот што денеска го изврши израелската армија во кој беа убиени повеќе од стотина Палестинци кои се наоѓаа во близина на камион со хуманитарна помош.

Армијата, игнорирајќи ги видеата кои се појавија на социјалните мрежи, ја демантираше својата вмешаност и соопшти дека повеќето од жртвите биле предизвикани од стампедо и дека биле прегазени од возила кои доставувале хуманитарна помош.

Итниот состанок ќе се одржи во седиштето на ОН во Њујорк во 16:15 часот (21:15 часот по Гринич). Алжир побара свикување на Советот за безбедност, изјави дипломатски извор за Франс прес.

Потсетуваме, израелската армија денеска изврши уште едно страшно воено злосторство во кое загинаа повеќе од стотина Палестинци, а повеќе од 700 од нив беа повредени.

Поради овој масакр, Белата куќа објави дека отворањето оган врз Палестинците кои чекаат помош е сериозен инцидент.