СКРАТЕНИ ЛИСТИТЕ ЗА ЧЕКАЊЕ ЗА ОПЕРАЦИИ ВО СКОПЈЕ Клиниката ТОАРИЛУЦ забрзано ги оперира оние што долго чекаат
„Повторно викенд, ние на работа“, објавува д-р Мерџановски на социјалните мрежи, потсетувајќи дека тимот се посветува на пациентите кои со години се надевале на хируршки интервенции. Со ваквиот ангажман, секој викенд се обезбедуваат нови термини за операции, а пациентите добиваат брз и ефикасен третман.
Во интервју за Република, д-р Мерџановски зборуваше за плановите за намалување на бројот на пациенти на листите за чекање, за новите технологии и кадарот на клиниката, како и за развојот на трансплантационата медицина.
Д-р Мерџановски е роден 1971 година во Гостивар. Дипломирал на Медицинскиот факултет во Скопје, каде што завршил и специјализација по општа хирургија. Во 2018 година се стекнал со звањето супспецијалист по трауматологија, а магистерскиот труд го одбранил од областа Јавно здравје.
Со над 20 години искуство, тој применува најсовремени пристапи и методи на работа во хируршки интервенции, стекнати во Универзитетската клиника „Мајка Тереза“ и клиники во Европа, меѓу кои Германија, Австрија и Турција. Долгогодишен е член на AO Trauma организацијата и учествува на годишни конгреси во Хрватска, каде што бил и едукатор.
Исто така, д-р Мерџановски поседува лиценца за судско-медицинско вештачење и е активен член на здравствени комисии во земјата, каде придонесува со современи решенија за развој и унапредување на здравствениот систем.
.
