СИМУЛИРАА СИМБОЛ НА „ГОЛЕМА АЛБАНИЈА“ ПРЕД СРПСКОТО СОБРАНИЕ: Две лица завршија во притвор
Притвор добиja швајцарските државјани кои го симулираа симболот на „Голема Албанија“ пред српското собрание.
Вишиот суд во Белград им одреди притвор до 30 дена на двајца швајцарски државјани, кои се обвинети за поттикнување национална, расна и верска омраза и нетрпеливост. Обвинетите претходно биле на распит во Вишото јавно обвинителство (ВЈО) поради сомнение дека споменатото кривично дело го сториле на 2 ноември пред Собранието на Србија. Бернард Ц. со мобилен телефон го фотографирал Џанфранко В. додека тој со тупаници покажувал двоглав орел, „алудирајќи на симболот на голема Албанија“. Осомничениот Бернард Ц., кој има државјанство на Швајцарија и на Хрватска, за време на сослушувањето делумно ги признал наводите од кривичната пријава, потврди српското обвинителство. Џанфранко В. се бранел со молчење, односно го искористил законското право да не изнесе одбрана. Слични провокации имало и во минатото. Скоро се случи да биде хакиран билборд во Ваљево на кој било покажано како албанскиот орел го дави српскиот орел кој го има на знамето.
