СИЛЕН ЗЕМЈОТРЕС ВО ГРЦИЈА, ТУРИСТИТЕ ВО ПАНИКА: „Почувствувавме како лежалките се движат“, велат посетителите на Родос
Силен земјотрес со јачина од 4,7 степени според Рихтеровата скала го погоди грчкиот остров Родос. Земјотресот е регистриран во 12:11 часот по локално време на длабочина од 10 километри. Засега нема информации за повредени или материјална штета.Нема опасност од цунами.
Туристите во коментарите на веб-страницата на ЕМСЦ пишуваат дека го почувствувале земјотресот додека се сончале.
„Се сончавме, почувствувавме како лежалките ни се движат. Како некој да стоеше над нас и да ни ги тресе лежалките“, вели еден турист на Родос.
„Многу силно, но краткотрајно“, „Спиев кога ме разбуди силен земјотрес“, се дел од коментарите на граѓаните.
