Шведска крена раце, Германија не се откажува: Јавноста на нозе, пресврт во истрагата за експлозијата на Северен тек!
Јавното обвинителство во Шведска денеска соопшти дека ќе ја прекине понатамошната истрага за експлозиите на гасоводите Северен тек 1 и 2.
Во соопштението на шведското обвинителство се наведува дека заклучокот од истрагата за саботажата на гасоводите Северен тек 1 и 2 во Балтичкото Море е дека Шведска нема јурисдикција и затоа истрагата треба да се затвори, пренесува Ројтерс.
Оваа вест предизвика бурни реакции во јавноста.
Шведскиот јавен обвинител Матс Љунгквист очигледно сака да ја прекине постапката, а евидентно е дека шведските власти не успеале да идентификуваат ниту еден конкретен осомничен во нивната земја, објави германскиот економски портал „Виршафтсвохе“.
Германската истрага за експлозиите на гасоводите Северен тек 1 и 2 ќе продолжи и покрај повлекувањето на Швеѓаните, пренесува агенцијата.
Додека Шведска се повлекува од истрагата, германските власти решително ја продолжуваат истрагата. Ројтерс јавува дека истрагата на Германија за експлозиите на гасоводот Северен тек 1 и 2 ќе продолжи без оглед на одлуката на Швеѓаните.
Да потсетиме дека експлозиите се случија во септември 2022 година во близина на островот Борнхолм во Балтичкото Море, по што беа откриени оштетувања на гасоводите „Северен поток“, кои пренесуваат руски гас во Германија.
Истрагите беа започнати во Шведска, Германија и Данска, а во ноември 2022 година, обвинителот Љунгквист ги потврди сомнежите за саботажа откако беа пронајдени остатоци од експлозив.
Во заедничкото писмо испратено до Советот за безбедност на ОН во летото 2023 година, амбасадите на Германија, Данска и Шведска открија информации дека истражителите пронашле траги од експлозив на сомнителна едрилица, користена за транспорт на материјал користен во саботажа.
Оваа контроверзност дополнително фрла сенка врз меѓународната соработка во решавањето на случаите на саботажа, додека јавноста со нетрпение очекува понатамошни случувања во врска со гасоводите „Северен тек“.
