ШТО ВЕЛИ АДВОКАТ: Дали момчето кое изврши масакр ќе одговара?
Масакр во училиште денеска ја потресе Србија. Адвокатот Предраг Савиќ објасни дека доколку малолетниот К.К. осомничениот кој утрово уби девет луѓе во основното училиште „Владислав Рибникар“, нема повеќе од 14 години, не може кривично да одговара.
Како што прецизира Савиќ во изјавата за Танјуг, ако осомничениот има повеќе од 14 години се постапува како малолетник и како најстрога казна може да му се изрече посебна мерка, а доколку се утврди дека има ментално растројство, може да му се изрече мерка за лекување во посебна установа.
Законот за малолетници предвидува дека постар малолетник може да биде осуден на пет години затвор.
Адвокатот нагласува дека во Србија старосната граница за кривична одговорност е 14 години, а во некои земји таа граница е 12 или 10 години, како во Англија.
Според Савиќ, како дел од поглавјето 23 во пристапните преговори со Европската унија било споменато дека во Србија треба да се намали старосната граница, но тоа не се случило.
„Во некои земји дури и родителите во вакви случаи можат да одговараат за кривично дело убиство, додека кај нас законот не го предвидува тоа“, посочи адвокатот.
Објасни дека во некои држави во САД малолетниците можат да бидат осудени на смрт, а нивните родители да одговараат за кривично дело убиство.
Родителите на детето кое го сторило ова кривично дело можат да одговараат за кривично дело запуштање на детето за кое е предвидена казна затвор до три години, а можат да одговараат и по граѓанска тужба од страна на родителите на повредените деца. Родителите на ранетите и убиените деца ќе можат, освен родителите на осомничениот, да го тужат училиштето и осигурителната компанија доколку децата биле осигурани. Инаку, детето не се каело за она што го стори и во полиција раскажал што се случило. Цел месец се спремал да го изврши злосторството. Имал и список на лица кои планирал да ги убие. Рекол дека знае што прави. Пред две години бил акј психолог поради врсничко насилство.
