Шести пораз за битолчани во ЛШ: Пелистер загуби на гостувањето во Веспрем
Пелистер имаше проблеми од почетокот на средбата, а тоа го искористи Веспрем за да отвори со 5-0, по што следеше нова одлична серија на унгарската екипа за предност од 18-7.
Битолчани во завршницата успеаја да врзат серија од три погодоци и повторно да намалат на осум голови негатива пред крајот на првото полувреме.
Веспрем го одржуваше водството и во вториот дел, додека Пелистер се мачеше да ја намали негативата, меѓутоа унгарскиот тим не дозволи изненадување и оствари триумф од 33-26.
Пелистер по девет одиграни кола има четири бодови на шестата позиција во групата А, додека Веспрем има 16 поени на првото место.
