„Шара се помести за 10 милиметри, ослободена е енергија од 100 тони ТНТ“ – професорот Милевски со научна анализа – зошто се тресеме?

Земјотресот што го вознемири регионот не е само обично тресење, туку дел од фасцинантен геолошки процес на „растење“ и поместување на Шар Планина. Професорот Ивица Милевски од ПМФ, преку детална геоморфолошка анализа, објасни дека при потресот планината се поместила вертикално и хоризонтално, ослободувајќи огромна количина енергија.

Според професорот, причината за земјотресот лежи во „вклештеноста“ на малите микро-плочи на кои се наоѓаат нашите планини и котлини. Тие се под постојан притисок од големите континентални плочи.

Најинтересниот дел од анализата се однесува на физичките промени што ги предизвикал земјотресот. Шарпланинскиот блок, кој е ограничен со раседи, претрпел моментално поместување.

Иако бројките звучат сериозно, Милевски смирува. Тој потенцира дека ова подрачје е само умерено активно.

Заклучокот е дека едноставно сме сведоци на природно „дооформување“ на северниот дел на Шар Планина и околните котлини.