СЕМЕЈСТВАТА СЕ СПОЈУВААТ ИЛИ ИМА НОВ БРАН БЕГАЛЦИ – во јануари во Србија пристигнале 14 илјади Руси

Според податоците за туристите, во јануари годинава во Србија влегле над 14.000 Руси, па може да се заклучи дека е во тек нов бегалски бран, бидејќи споменатата бројка значително се издвојува во однос на бројот на туристи од други земји. Дпоред познавачите, „Ова е обединување на семејствата“.

За една година во Србија дојдоа околу 200.000 руски граѓани. Иако се проценува дека не останале сите таму, нивното доаѓање донесе значителни промени во таа земја. Тоа беше особено забележливо во случајот со недвижностите за изнајмување, каде што поради наглиот скок на цените, многу станови за изнајмување станаа недостапни за самите Срби. Имајќи предвид дека цената е диктирана од побарувачката, не е неочекувано новите пристигнувања да ја поместат и сегашната граница.

Милиќ Ѓоковиќ, експерт за недвижности, за „Блиц Бизнис“ објаснува дека ситуацијата со доаѓањето на бегалците од воените зони се искристализирала и дека минатогодишното сценарио нема да се повтори.

– Оној што дојде, дојде во тој прв бран, и нема повеќе нови пристигнувања. Иако се уште се евидентираат голем број пристигнувања, ова сега е само обединување на семејствата. Така, членовите кои претходно останале во Русија, нивните сопружници, деца и роднини сефга доаѓаат и им се придружуваат на членовите кои во првиот круг дојдоа во Србија, изнајмија стан и веќе се снајдоа. Нема нови семејства – објаснува Ѓоковиќ.

Бараат поевтино

Факт е дека киријата во Србија е зголемена од побарувачката. Имајќи предвид дека Русите доаѓаат од земја со висок стандард, не им беше проблем да платат што и да наплаќаат српските станоиздавачи. Сепак, практиката покажува дека ситуацијата и овде значително се менува.

-Се однесувавме многу неправилно. Многумина ја искористија ситуацијата и продаваа по висока цена. Но и тие не се луди. Сега се тука некое време, видоа како стојат работите, се запознаа со пазарот. Се организираат меѓу себе, си ги најдоа пријателите и сега сите ги откажуваат тие скапи имоти – вели Ѓоковиќ.

Околу еден милион Руси ја напуштиле својата татковина од 24 февруари, кога започна руската инвазија на Украина. Меѓу земјите кои ги отворија вратите за бранот Руси кои бегаат од нивната земја во последните неколку месеци, Србија „се наметна“ како една од водечките дестинации за технолошките компании и висококвалификуваните професионалци, пишува американскиот „Волстрит журнал“ (WSJ ).

Доаѓаат помлади, деловни луѓе

Иако е тешко да се процени која возрасна група Руси лани во три наврати дошла во нашата земја, забележано е дека најчесто се работи за помлади деловни луѓе. Доаѓаа главно семејства, со едно или две мали деца. Ова го потврдија од агенција за недвижности.

– Веднаш по избувнувањето на војната во Украина кај нас дојдоа деловни луѓе, меѓу нив имаше и многу од ИТ областа. Вториот бран беше летово – јуни и јули, кога полека почнаа да пристигнуваат цели семејства – велат од агенцијата.

Факт е дека многумина од нив, бегајќи од војната, мислеа дека нивното пристигнување во Србија е само привремено, но бидејќи не се гледа крајот на инвазијата на Украина, тие беа принудени да ги префрлат своите бизниси или да основаат нови. да има од што да живее.

Блиц.бизнис