СЕМЕЈНО НАСИЛСТВО ВО ЧЕТИРИ СЛУЧАИ Две лица приведени во Велес и во Куманово
Две лица се приведени поради семејно насилство, а полицијата во последното деноноќие регистрирала вкупно четири случаи во неколку градови низ државата.
Во Велес, 35-годишен маж бил приведен откако, според пријава, ѝ се заканувал на својата 32-годишна сопруга во нивниот дом. Од СВР Велес информираат дека тој бил задржан во полициска станица, а за случајот биле известени јавен обвинител и Центар за социјални работи Велес. По документирањето, против него ќе биде поднесена пријава.
Второто приведување било во Куманово, каде полицијата го лишила од слобода 58-годишник поради агресивно однесување и закани кон неговата партнерка и членови на нејзиното семејство. И тој бил задржан во полициска станица, а по целосно расчистување ќе следува пријава.
Во меѓувреме, во Скопје биле пријавени уште два случаи. 33-годишна жена пријавила дека неколку дена претходно била физички нападната од нејзиниот партнер во дом во населбата Шуто Оризари, по што полицијата презема мерки за расчистување на случајот.
Друг инцидент бил пријавен од 44-годишна жена, која навела дека била нападната од сопругот. Подоцна и сопругот пријавил дека бил нападнат од роднини на неговата сопруга. Полицијата работи на утврдување на околностите.
.
