СЕ ЗГОЛЕМУВААТ ПЛАТИТЕ ВО СРБИЈА: Објавени се нови податоци за просечната заработка
Се зголемуваат платите кај северниот сосед. Српските работници се приближуваат кон просечна заработка од скоро 900 евра. Просечната нето плата во Србија во февруари изнесувала 883 евра.
Просечната нето плата за февруари годинава била 103.519 динари (883 евра), а просечната бруто плата, вклучувајќи ги даноците и придонесите, изнесуваше 142.908 динари (1.219 евра). Податоците денеска ги објави српскиот Завод за статистика.
Растот на бруто и нето заработката во периодот јануари-февруари 2025 година, во споредба со истиот период лани изнесува 11,1 процент номинално или 6,2 проценти реално.
Во споредба со истиот месец лани, просечната бруто и нето заработка за февруари годинава е номинално поголема за 10 проценти, а во реалност за 5,3 проценти.
Македонија пак има просечна плата околу 700 евра. Македонските плати се на дното во регионот.
И во Хрватска има пораст на просечните плати. Просечните плати во Хрватска се 1.416 евра.
foto freepik.com/EyeEm
